Der Mingana Speckgürtel wachst oiwei weida. Außer, dass ois zuabetonierd werd, gibts no andere Sachan, de dabei auffoin: vui steing aufd S-Bahn um und fahrn a so ind Stod nei. Bled natürlich nur wennma in der Nähe von am Bahnhof wohnt und dann soiba koan Parkblotz mehr kriagt.
Wos hod si d’Stod jetz denkt? Des koons ja ned sei! Mir hoifa de Anwohner, de hom a Anrecht do zum parkn wos wohna! Oiso wos macha? Automaten miaßn her! Dann parkn do weniger und mia verdiena a no a Goid und de Anwohna hom wieda an gschmeidign Stoiblotz. Oiso herganga und de ganze Gegend um an Bahnhof rum olle boor Metta a Gerät higsetzt.
Wos is jetz as End vom Liad? Unter Dogs parkt wirklich überhaupt koa Sau mehr do und in der Zeidung is gstanna, dass des Ausleern vo de Automaten so vui kost, wia des wos dabei verdiena. Na Klasse!