Jetz wos oiwei weniger Wirtsheisa in de gloane Ortschaftn wern und de ganzen Vereine weniger Blotz hom zum feian und andane Aktivitätn san in den letztn Jahren vui sogenannte Bürgerheisa entstanna. So weit so guad, nur schlecht wenns unter de Vereine untereinander oecka.
Mitanand hod ma de Haisl baud, freile großzügig unterstützt vo da Gmoa. A jeda soit eigentlich zfrien sei. Doch do feid si weid. Gloane Feinheitn bassn manche Leid ned. Do is der Raum für den oane Verein z’gloa oder mid der Schlüsslvergabe is Uneinigkeit.
A moderns Problem is wenn koa WLAN do is und de oane Seitn zwar oans hod, aber es ned hergibt beziehungsweise den WLAN-Schlüssl ned rausruckt. Was macht ma? A zwoate Leitung muaß her! Zwoater Router! Zwoats WLAN! Dabei is doch seit letztm Joor de Störahaftung gfoin und a jeda soit doch sei Seitn osurfn derfa, wos a mog. Warum einfach wenns bürokratisch a gäd. *zwinka*