May 27, 2018

Ned gmaade Wiesn

Schee is, dass woor is! Auf jädn voi a Grund de Arbad, Sorgn und Problema aufd Seitn zum schiam und si einfach moi an Sää zum flacka. Erholung, Sonna und Obschoitn inklusive. Warn do ned moi wieder a boor Beschwerbärn unterwegs.

Im hiesigen Ampergai gibts an Haufa greßere und gleanare Badeweiha. Wo ma higäd bleibt oam soiba überlassn. I bin do recht flexibel und geh recht gern an Woidschweigsää und an Eilzriada Sää. Da letzte werd mittlerweile a GADA-Sää gnannt oder kurz “Eisi”. Vorteil bei dem is: es gibt an Kiosk, zwoa Beachvolleyboi Plätz und an recht großn kostenfrein Parkblotz.

So bin i am abflacka und gschmeidig Mettn hern, ois jemand an mir vorbeigäd und sogt: “Schau o, de hom moi wieda ned gmaad!”. Stimmt, de Wiesn is natur pur. Und i finds wunderschee mit de ganzn Bleamalen und Biena de wos guad zum doa hom. Muaß ma hoid aufbassn wo ma hi hatscht!

2019 midzer

Powered by Hugo & Kiss.