January 25, 2020

Am End vom Monat

Goid. De gemeinsame Basis fürs Zamlem und Handeln. Ois soi digital wern sogar da Zahlungsverkehr. Nur wos macha wenn dir da Flins ausgäd?

Bech ghabt, daan de oana song. De andern fanga di scho auf. Beim Strem nach Reichtum, weil es muaß ja oiwei mehra wern, konn scho manchmoi de Menschlichkeit verlorn geh.

Wos macha wennst im Supamarkt an da Kass stähst und es doch nimma glangt mim Buiva. Oder du host vielleicht dei Karterl ned dabei. Verhungern wuist a ned.

Friras warn manche Dinge einfacher. Do host zur Wirtin gsogt wennd Zech zvui worn is, obst ned einfach aufschreim lassn koonst. Am nächstn Dog nach dem Mordsrausch bist dann hi und host brav zoid. Ehrensach. Auf a andere Idee dadst gor ned kemma.

Heidzudog san de Leid mehra skeptisch. Zvui Schmarrn sei scho bassierd und aus Fälan miaßat ma ja lerna. Vertrauen is verlorn ganga. Leida.

Gegensteiern komma nur soiba und den ersten Schritt versuacha zum macha. De positiven Erfahrungen wern überwieng. Und as Gewissen koon ruhig schlaffa.

2020 midzer

Powered by Hugo & Kiss.