Es is oiwei schee zum seng, dass no Leid gibt de an ausgeprägten Geschmeinschaftsinn ham. Dazu Liebe zua Natua, ned lang rum rehn und einfach higlanga. Grod jetz wo de Dog wieda länga wern.
Wos hom de Leid gmacht? Den Müll vo andere Leid freiwillig weg grammt! Und zwar glei neba oana stark frequentierdn Straß. Wahrlich eine klasse Aktion jetz zua Zeid der koiden Soffie. Respekt und Anerkennung an de Leid!
I versteh ned woher des kimmt dass manche Bazis ihren Müll ausm Auto schmeißen. San wahrscheinlich a soichana Saubärn bei sich dahoam. Erinnert mi an de katastrophalen Zuaständ vo italienische Autobahnrastplätz in de 90er.
Grod momentan wo durch de Digitalierung scheinbar ois schneller werd, braucha wia unsare Umwelt umso mehra wenn mia uns vom Alltagsstress erhoin woin. Und nix is häßlicha ois irgendwoiche Plastikpapierl de wos am Wanderweg rumflacka.
Wen ma grod dro denkt, dann nimmt ma des Graffe einfach mid, bringts zum nächstn Müllkibe und gfreit si dass ma a guade Tat gmacht hod. A gelungenere Erfüllung gibts fast ned für oan soiba, duad bessa wia a Hoibe Bier.