July 14, 2019

Griabige Gitarrenmusi

Wer kennts ned: auf oana Feier werd si ausgiebig unterhoitn und de Mettn aus der Mini-Anlag is nur Hintergrundberieselung. Um so scheena wenn a Live-Musi organisiert is!

Hauptsach mia kemma zam! Gfeierd muaß wieder mehra wern. Aber ned nur wegam Saufa, des gäd nebenher. Wunderbar werds wenn a gloane Band mit dabei is, de oan aufspuid.

A geschätztes Handwerk wos koana mehr so recht lerna wui in Zeiten von Spotify und Co. Dabei verbreitet es a ganz andere Aura wia a DJ der a Konservenmusi spuid. Bsonders dann, wenn ma merkt, dass de Musika a mit vui Freid bei der Sacha san. Dann werd schnoi as Tanzbein gschwunga und des oan oder andere Liadl mitgsunga: kennst nur an Refrain? Gäd scho!

Und ob des jetz urboarische Unterhaltung vo diverse Liedermacher wie Hans Söllner is oder bekannte Hits auf Englisch. Mit da Gitarrn und na herzlichen Stimm erreichst einfach an guadn Sound!

2022 midzer

Powered by Hugo & Kiss.