Wos der Bauer ned kennd, frisst er ned. Und wos der Brauer ned kennd, safft er ned. Zeit für a Winterdiät. Die flauschigen Vierbeiner machas vor!
Low-Carb Ernährung und Intermittierendes Fasten san in aller Munde. Koana wui z’dick sei und an Kessel schiam. In de langa Dog wenn de Sunn ned lang scheint fressn si vui oan o über da Feierdog. Bewegung Mangelware. Dann koons leicht bassiern dass de Bullover und Hosn nimma bassn. Obnehma braucht!
Vui Wasser dringa, efta moi den Hausmoasta spuin und an Rundgang umd Firma macha. Es gibt vui Möglichkeitn. A Katz woaß genau wia sas macht: sie frisst nimma des, wost ihra histoist. “Daugt ma ned!”, schnurrts di o.
In Zeitn vo Überangebot und Sofortkonsum macht sie uns wos vor. Ned mid ollem glei z’friedn sei. Guad Ding braucht Zeid! A wenns amoi a beschwerlicha Weg sei koon. Dei Lieblingshosn werds dir danken (und dei Goidbeidl a).