De gressde Baustäi der Woid san ja bekanntlich Autobahna. Do gäds zwar langsam, aber auf oana Spur weida. Innerorts schaut die Sachlage aweng anders aus. Do muaß ma ausweicha.
In Dacha werd übaroi fleißig baud. Gerade Hauptstraßen wern grod saniert. Erst no im Somma hinten in Ost beim Kaufland. Desmoi is de Schleißheimer Straß dran. Voisperrung. Komplett dicht. Da braucht ma über de Umleitung durchd Erich-Ollenhauer schomoi fast a hoibe Stund bis hintre. Rückstau fast bis zur Bereitschaftsbolizei.
Aber wos sei muaß, muaß sei. I kannt jetz ned song ob des wirklich nötig war, weil der Belag scho kaputt war oder sowos. Oder ob Umbaumaßnahma vorgnomma wern. Auf jeden Foi muaß ma mehra Zeit mitnehma. Oder ma fahrt besser glei mim Radl oder kafft woanders ei. Bleibt zum hoffa, dass de Arbeiter des guad hibringa. Ohne de Leid lafft nix, Hut ab.